प्रस्तावनाखंड : विभाग तिसरा. बुद्धपूर्वजग

प्रकरण ५ वें.
वेदकालांतील शब्दसृष्टि. 

मार्ग व त्याचीं विशेषणें (तै.सं.)

 ^१संचर- तै. संहिता ग्रंथांत ह्याचा अर्थ प्राण्यांच्या संचाराचा मार्ग असा आहे. नेहमीचा सामान्य अर्थ म्हटला म्हणजे यज्ञात भाग घेणा-या अनेक ॠत्विजांनीं व्यापलेला किंवा उपयोगात आणलेला यज्ञांतल्या जागेवरील मार्ग असा आहे.
^२परिरथ्य- अथर्ववेदामध्ये हा शब्द असून ह्याचा अर्थ एक तर रस्ता किंवा त्याचा भाग. कदाचित्  लुडविग व व्हिटने म्हणतात त्याप्रमाणें काठ असा अर्थ असावा. ग्रिफिथ याचा अर्थ आकाशाचे मध्यवर्ती प्रदेश असा करितो.