विभाग सहावा : अ ते अर्थशास्त्र

अकबरपुर - तहशील. संयुक्त प्रांत. कानपुर जिल्ह्यांतील एक तहशील.  उ.अ.२६^०  १५' ते २६^० ३३' पू.रे. ७९^० ५१' ते ८०^० ११' क्षेत्रफळ २४५ चौरस मैल.  लोकसंख्या सुमारें एक लक्ष आठ हजार.  या तहशिलींत १९९ खेडीं, व अकबरपुर हा एक सुमारें पांच हजार लोकवस्तीचा गांव आहे.  एकंदर उत्पन्न इ.स. १९०३-४ सालीं २५१००० रुपये होते.  या तहशिलांत क्षार आल्यामुळें लागवडीस निकामी झालेली जमीन बरीच आहे.  लोअर गॅजेस कनालच्या एका फाट्याचें पाणी या तहशिलीस मिळतें. (इं. गँ.५.१९०८).